Üfgwachso bin i im Wallis – hito unerwägs mit miner Kamera zThun, zBäro, sogar im Wallis – und uberall, wo Mänscho schich ächti Bilder wünschond.

Mit dra Tassa (koffeinfriom) Kaffee iner Hand los i gäro züä - wirkli züä. I liebos, mit miner Family in ischom Deheimo zwischo Rüäh & wildom Alltag - im Rhythmus vom Läbo zsi. Kino inspiriert mi riesig: Lichtstimmige, Perspektive, spannendi Gschichte. Und ach ja, ohni ä schuppo To-Do-Zättla wär i im Alltag verloro.

Mine 1. Brüäfswunsch wäri scho Fotografin gsi & uber e grosse Schlänker chani mi hito genau so nenno & chännti mir nix Schöners vorstello, als kreativ zsi.

Aber wieso de? Wils mega wärtvoll isch, Momänta uf Fotos zgseh, wo ischers Läbo gformt hent. Die Bilder bringond di zrug zu dem Gfühl vo Läbo, Lacho, Nechi & Liebi. Fer mich hani das entdeckt – & das wellti öi mit miner Kamera ifa fer dich & dini Liebo!

Sienta gsehni spannends Liächt & müäss gschnäll mini Kamera gah holo fer es Foto zmacho. Oder i gseh es Werbeplakat oder e nöi Fototechnik & es entsteiht e nöi Bildidee.

Äs Shooting müäss fer mich nit total durchorganisiert si. Wiär starte äswo & lä isch la uberrascho, wohi isch ischi kreativi Reis fiährt… Und hole isch dis/eibers Gfühl auf ds Bild.